2023 елда капиталь булмаган модульле урнаштыру чараларын булдыруга субсидияләр
Дәүләт (муниципаль) учреждениеләре булмаган юридик затларга һәм шәхси эшкуарларга Татарстан Республикасы территориясендә туристлык инфраструктурасын үстерүгә юнәлдерелгән җәмәгать инициативаларын гамәлгә ашыруга бәйле чыгымнарының бер өлешен финанс белән тәэмин итү максатларында Татарстан Республикасы бюджетыннан субсидияләр бирү буенча конкурс игълан ителә.
2023 елның 24 маеннан «Туристлык һәм кунакчыллык индустриясе» илкүләм проектын гамәлгә ашыру кысаларында Татарстан Республикасы Туристлык буенча дәүләт комитеты дәүләт (муниципаль) учреждениеләре булмаган юридик затларга һәм шәхси эшкуарларга Татарстан Республикасы территориясендә туристлык инфраструктурасын үстерүгә юнәлдерелгән җәмәгать инициативаларын гамәлгә ашыруга бәйле чыгымнарының бер өлешен финанс белән тәэмин итү максатларында Татарстан Республикасы бюджетыннан субсидияләр бирү буенча конкурс башлануы турында игълан итә. Гаризалар бирүне тәмамлау вакыты – 2023 елның 22 июне.
Субсидияләр конкурста катнашучыларга аларның Татарстан Республикасы территориясендә туристлык инфраструктурасын үстерүгә юнәлдерелгән, елга, күл, сусаклагыч яисә башка су объектлары ярларында пляжлар төзүне һәм (яисә) үстерүне күздә тота торган җәмәгать инициативаларын гамәлгә ашыруга бәйле чыгымнарының бер өлешен финанс белән тәэмин итү максатларында бирелә, шул исәптән:
а) Россия Федерациясенең «Туристлык хезмәтләре. Пляж хезмәтләре. Гомуми таләпләр» ГОСТ Р 55698-2013 милли стандарты таләпләре нигезендә пляжны төзекләндерү, яр буйларын саклый торган, шуышуга каршы һәм башка яклау чараларыннан, шулай ук акватория төбен чистарту гамәлләреннән тыш;
б) туристлык эшчәнлеген тәэмин итү һәм сәламәтлеге буенча мөмкинлекләре чикләнгән кешеләр өчен уңайлылыкны арттыру өчен җиһазлар, шул исәптән җиһазлар, инвентарь, экипировка, ял итү өчен товарлар сатып алу;
в) балалар өчен һәм спортлы ял итү зоналарын төзекләндерү;
г) җәмәгать туклануы пунктларын булдыру (капиталь булмаган төзелеш).
Татарстан Республикасы территориясендә туристлык инфраструктурасын үстерүгә ярдәм итүгә юнәлдерелгән субсидия бирү нәтиҗәсе булып 2023 елның 1 октябреннән дә соңга калмыйча гамәлгә ашырылган проект тора, ул субсидия алган көннән алып өч елдан да ким булмаган вакыт дәвамында эшләргә тиеш.
Бәйге аша сайлап алуның җентекле шартлары, сроклары һәм катнашучыларга карата таләпләр Татарстан Республикасы Министрлар Кабинетының 19.05.2023 № 612 карары белән расланган Тәртиптә (алга таба – Тәртип) билгеләнгән.
Документларның аңлатмалары һәм шаблоннары астарак бастырылган.
Конкурста катнашу өчен гаризалар кабул итү 2023 елның 24 маеннан 22 июненә кадәр махсус рәвештә, шул исәптән тапшырылган документларның электрон версияләре белән электрон чыганакта, Татарстан Республикасының Туристлык буенча дәүләт комитетында, Казан шәһәре, М.Горький урамы, 19 йорт, 4 нче кабинет адресы буенча гамәлгә ашырылачак.
Кабул итү вакыты: дүшәмбе-җомга 09:00-17:00, тәнәфес 12:15-13:15. Барлык сорауларны Ekaterina.Lifanova@tatar.ru электрон почтасына юллагыз.
Конкурста катнашучыларга таләпләр
Конкурста катнашучылар түбәндәге критерийларга туры килергә тиеш:
конкурста катнашучы – дәүләт (муниципаль) учреждениесе түгел;
конкурста катнашучы Татарстан Республикасы территориясендә эшчәнлек алып бара һәм Татарстан Республикасы бюджетына салымнар түли.
Конкурсны уздыру планлаштырылган айның 1 нче көненә гариза биргән катнашучылар түбәндәге таләпләргә туры килергә тиеш:
конкурста катнашучылар – юридик затлар үзгәртеп кору (конкурста катнашучы юридик затка, башка юридик затка кушылу рәвешендә үзгәртеп коруны исәпкә алмаганда), бетерү процессында булырга тиеш түгел, аңа карата банкротлык процедурасы кертелмәскә тиеш, конкурста катнашучының эшчәнлеге Россия Федерациясе законнарында каралган тәртиптә туктатылмаска тиеш, ә конкурста катнашучылар – шәхси эшкуарлар шәхси эшкуар буларак эшчәнлекләрен туктатырга тиеш түгел;
квалификациясе алынган затлар реестрында квалификациясе алынган җитәкчеләр, коллегиаль башкарма орган әгъзалары, бер кеше башкара торган башкарма орган функциясен үтәүче зат турында яки юридик зат буларак конкурста катнашучының баш хисапчысы яки, әгәр конкурста катнашучы булып шәхси эшкуар торса, шәхси эшкуар турында белешмәләр юк;
юридик затлар, шул исәптән Россия Федерациясе Финанс министрлыгы тарафыннан раслана торган, Россия Федерациясендә активларга аралык (офшор) идарә итү өчен кулланыла торган дәүләтләр һәм территорияләр исемлегенә кертелгән дәүләт яки торритория аның теркәлү урыны булып торган юридик затлар (алга таба – офшор компанияләре), шулай ук устав (җыелма) капиталында офшор компанияләренең турыдан-туры яки башкача (өченче затлар аша) өлеше җыеп исәпләгәндә 25 проценттан артып киткән (Россия Федерациясе законнарында башкача каралмаган булса) Россия юридик затлары конкурста катнашырга тиеш түгел. Акцияләре Россия Федерациясендә оештырылган сатуларда әйләнештә булган офшор компанияләренең Россия юридик затлары капиталында катнашу өлешен исәпләгәндә, офшор компанияләренең гавами акционер җәмгыятьләр капиталында турыдан-туры һәм (яисә) турыдан-туры булмаган катнашуы, шулай ук мондый офшор компанияләренең Россиянең башка юридик затлары капиталында турыдан-туры булмаган, әлеге гавами акционерлык җәмгыятьләре капиталында катнашу юлы белән гамәлгә ашырылган катнашу өлеше исәпкә алынмый (шул исәптән халыкара компания статусы белән);
конкурста катнашучылар Татарстан Республикасы бюджетыннан Татарстан Республикасының башка норматив хокукый актлары нигезендә Тәртипнең 1 пунктында билгеләнгән максатларга акча алырга тиеш түгел;
конкурста катнашучы экстремистик эшчәнлеккә яки терроризмга катнашы турында мәгълүматлар булган оешмалар һәм физик затлар исемлегендә яки массакүләм юк итү коралын таратуда катнашы турында мәгълүматлар булган оешмалар һәм физик затлар исемлегендә булырга тиеш түгел;
конкурста катнашучының салымнар һәм җыемнар турында Россия Федерациясе законнары нигезендә түләнергә тиешле салымнар, җыемнар, иминият кертемнәре, пенялар, штрафлар түләү буенча үтәлмәгән йөкләмәләре булмаска тиеш;
конкурста катнашучының Татарстан Республикасы бюджетына, шул исәптән башка хокукый актлар нигезендә бирелгән субсидияләрне, бюджет инвестицияләрен кире кайтару буенча, шулай ук Татарстан Республикасы алдындагы акчалата йөкләмәләр буенча кичектерелгән (җайга салынмаган) бурычлары булмаска тиеш.
Гаризалар бирү тәртибе
Конкурста катнашу өчен конкурста катнашучы белдерүдә күрсәтелгән гаризаларны кабул итү срогы дәвамында Татарстан Республикасының Туристлык буенча дәүләт комитетына түбәндәге документларны теркәп, кәгазь һәм электрон чыганакларда бер гариза тапшыра:
конкурста катнашучы җитәкчесенең имзасы белән, Тәртипкә 2 нче кушымтадагы форма буенча төзелгән, конкурста катнашу турында хат;
гариза бирүче – юридик зат өчен – конкурста катнашучының мөһере (ул булган очракта) һәм конкурста катнашучы җитәкчесенең имзасы белән расланган гамәлгә кую документларының күчермәсе;
гариза бирүче – шәхси эшкуар өчен – паспорт күчермәсе, шәхси эшкуар буларак физик затны дәүләт теркәве турындагы таныклык күчермәсе яисә Шәхси эшкуарларның бердәм дәүләт реестрында язу бите, салым исәбенә кую турында белдерү;
проектны гамәлгә ашыру белән бәйле чыгымнар сметасын үз эченә алган, шул исәптән конкурста катнашучының үз акчалары күләме һәм проектны гамәлгә ашыруны финанс яктан тәэмин итү өчен конкурста катнашучыга тиешле субсидияләр күләме турында мәгълүматны үз эченә алган, Тәртипкә 3 нче кушымтадагы форма буенча төзелгән проект бәяләмәсе;
гамәлдәге һәм (яки) төзелә торган туристлык ресурсларының, шулай ук проектларны субсидия хисабына гамәлгә ашыру мөмкинлекләренең территориаль зоналарын күрсәтеп, график сурәтләр (карталар, схемалар) булган, проектның эчтәлеген чагылдырган 10 слайдтан гына торган төсле вариантта, Тәртипкә 4 нче кушымта буенча проект презентациясе;
конкурста катнашучының салымнар, җыемнар, иминият кертемнәре, пенялар, штрафлар, салымнар һәм җыемнар турында Россия Федерациясе законнары нигезендә түләнергә тиешле процентларны түләү буенча конкурста катнашучыны аның урнашкан урыны буенча салым органында исәпкә кую урыны буенча конкурс уздыру планлаштырыла торган айның 1 нче көненә карата бурычын үтәве турында белешмә (конкурста катнашучы мондый документны тапшырмаган очракта, вәкаләтле орган аны ведомствоара мәгълүмати хезмәттәшлек тәртибендә үзе соратып ала);
оешмаларның һәм шәхси эшкуарларның салымнар, җыемнар, иминият кертемнәре, пенялар, штрафлар, процентлары буенча исәп-хисапларының торышы турында белешмәләр;
конкурста катнашучының җитәкчесе һәм баш бухгалтеры (булган очракта) тарафыннан имзаланган, Тәртипкә 5 нче кушымтадагы форма буенча конкурста катнашучының Тәртипнең 8 нче пунктында каралган таләпләргә туры килүен раслый торган белешмәләр;
проектны субсидия акчалары исәбеннән гамәлгә ашыру күздә тотыла торган җир кишәрлегенә хокукны раслый торган, Дәүләт теркәве, кадастр һәм картография федераль хезмәтендә тиешле рәвештә теркәлгән хокук билгели торган документларның күчермәләре, шул исәптән җир кишәрлеге урнашкан җирләрнең категориясе һәм җир кишәрлегеннән рөхсәт ителгән файдалану рәвеше турында белешмәләр, күчемсез мөлкәтнең бердәм дәүләт реестрыннан субсидияләр алучының җир кишәрлегенә милек хокукын яисә җир кишәрлегенә арендалау хокукын раслый торган өземтә, җир кишәрлеге җирләр категориясенә һәм күрсәтелгән җир кишәрлегеннән проектта каралган эшчәнлекнең төренә туры килмәгән очракта, – законнарда билгеләнгән тәртиптә субсидия алган көннән алып беренче айдан да соңга калмыйча, җир категориясен һәм (яисә) җир кишәрлегеннән рөхсәт ителгән файдалану төрен үзгәртүгә гариза белән мөрәҗәгать итү турында гарантия хаты;
гавами кадастр картасының скриншоты (пляжның җир участогында урнашуын һәм пляж чигеннән су киселешенә кадәр араны күрсәтеп);
конкурс катнашучының Россия Федерациясе Гражданнар оборонасы эшләре, гадәттән тыш хәлләр һәм табигый бәла-казалар нәтиҗәләрен бетерү министрлыгының Татарстан Республикасы буенча Кече үлчәмле суднолар буенча дәүләт инспекциясе үзәгенә юллама буенча пляжны эксплуатацияли башларга планлаштырылган датага кадәр кимендә 30 календарь көн алдан Россия Федерациясе Гражданнар оборонасы эшләре, гадәттән тыш хәлләр һәм табигый бәла-казалар нәтиҗәләрен бетерү министрлыгының "Россия Федерациясендә пляжлардан файдалану кагыйдәләрен раслау турында" 2020 елның 30 сентябрендәге 732 номерлы боерыгы белән расланган форма буенча гариза-декларацияне җибәрү һәм гариза-декларациягә беркетелгән теркәү номерын алу буенча йөкләмәләре (әлеге Тәртипкә 6 нчы кушымтадагы форма буенча гарантия хаты);
проектны гамәлгә ашыру тәмамланганнан соң Кулланучылар хокукларын яклау һәм кеше иминлеге өлкәсендә күзәтчелек федераль хезмәтенең Татарстан Республикасы буенча идарәсендә рекреацион максатларда су объектын куллануга санитар-эпидемиологик экспертиза узу турында конкурста катнашучының йөкләмәләре (Тәртипкә 7 нче кушымтадагы форма буенча гарантия хаты);
конкурста катнашучының бирелгән субсидияләрдән максатчан файдалану һәм тулы күләмдә үзләштерү турында, проектны агымдагы финанс елның 1 октябренә кадәр гамәлгә ашыру срогын тәэмин итү турында, проектны гамәлгә ашыруны финанс ягыннан тәэмин итү турында, соратылган субсидия күләменең кимендә 30 процентын тәшкил иткән күләмдә үз акчалары исәбеннән үтәү турындагы йөкләмәләре (Тәртинең 8 нче кушымтасындагы форма буенча гарантия хаты);
конкурста катнашучының субсидия алган көннән алып ким дигәндә өч ел дәвамында проектның озак вакытлы эксплуатациясен һәм эшләвен тәэмин итү турында йөкләмәләре (Тәртипкә 9 нчы кушымтадагы форма буенча гарантия хаты);
бюджет йөкләмәләре лимитлары җитмәгән очракта вәкаләтле органга җиткерелгән, субсидия күләмен киметүгә конкурста катнашучының ризалыгы;
конкурста катнашучы җитәкчесе – юридик зат яки конкурста катнашучы – шәхси эшкуар имзасы белән расланган, проектны гамәлгә ашыру белән бәйле эшләрне башкаруга һәм товарларны сатып алуга алдан килешүләр (подряд, сатып алу-сату, тәэмин итү, хезмәт күрсәтү һ. б.) яки коммерция тәкъдимнәре (җитештерелә торган продукциянең визуаль рәсеме белән) күчермәләре;
конкурста катнашучының «Интернет» мәгълүмат-телекоммуникация челтәрендә конкурста катнашучы турында мәгълүматны, гариза турында, конкурс белән бәйле башка мәгълүматны, шулай ук шәхси мәгълүматларны эшкәртүгә (физик зат өчен) ризалыгын бастыруга (урнаштыруга) ризалыгы;
проектны ясалма су объектында тормышка ашыру өчен су объектының мәйданы күрсәтелгән маркшейдер белешмәсе (ясалма су объектының мәйданы 10 мең кв. метрдан ким булмаска тиеш);
су акваториясен кулланган очракта – конкурста катнашучының судан файдалану турында килешү төзү турындагы йөкләмәсе (гарантия хаты) (буа, сулы карьер физик затка, юридик затка милек хокукында булган җир участогы чикләрендә урнашкан очраклардан тыш);
Россия Федерациясе Су кодексының 11 статьясының 3 пунктында каралган очракларда, конкурста катнашучының су объектын файдалануга бирү турында карарны рәсмиләштерү турындагы йөкләмәләре (гарантия хаты).
Конкурста катнашучы проектны гамәлгә ашыру буенча өстәмә башка документларны тәкъдим итәргә хокуклы.
Конкурста катнашучы бер генә проектны гамәлгә ашыруны күздә тоткан бер генә гариза тапшырырга хокуклы.
Гаризаларны кабул итү һәм теркәү вәкаләтле орган тарафыннан кабул итү көнендә кабул итү тәртибендә башкарыла. Кәгазь гаризада аның теркәлү датасы һәм вакыты турында билге куела.
Конкурста катнашучы тарафыннан кәгазьдә тәкъдим ителгән гариза, шулай ук аңа кушылган документлар (документларның күчермәләре) мөһер белән (булган очракта) беркетелергә һәм конкурста катнашучы җитәкчесенең имзасы белән факсимиль имзалар кулланмыйча расланырга, тексты ачык укыла торган булырга тиеш. Мөһер (булган очракта) белән беркетелгән һәм конкурста катнашучының җитәкчесенең имзасы белән таныкланган төзәтүләрдән тыш, чистарту һәм төзәтүләр кертү рөхсәт ителми.
Кәгазьдә тәкъдим ителгән барлык гариза битләре (гариза томнары) тегелгән һәм номерланган булырга тиеш. Гаризада ике һәм аннан да күбрәк аерым томнар булган очракта, битләр номеры барлык гариза томнары өчен бердәм (үтәли) булырга тиеш.
Гаризада аның составына кергән документларның исемлеге һәм һәр документ буенча битләр саны күрсәтелергә тиеш. Гаризаның һәр аерым томы кәгазь рәвешендә соңгы битнең кире ягына мөһер белән (булган очракта) беркетелергә һәм конкурста катнашучы җитәкчесенең имзасы белән расланырга тиеш.
Электрон чыганакта булган гариза һәм аңа теркәлә торган документлар конкурста катнашучыга караган имзалар һәм мөһерләр (булган очракта) белән документларның сканерланган күчермәләре рәвешендә PDF форматында бер файл белән тапшырыла. Күчермәләрдә ачык укыла торган текст булырга тиеш.
Гаризада күрсәтелгән гаризаларны бирү вакыты чикләреннән тыш килгән гаризалар каралмый.
Гаризаларны кире алу тәртибе
Конкурста катнашучы гаризаларны кабул итү тәмамланганчы теләсә кайсы вакытта кире алу юлы белән бирелгән гаризаны үзгәртергә хокуклы.
Гариза үзгәрешләре гаризаларны рәсмиләштерү тәртибендә куелган таләпләргә туры китереп рәсмиләштерелергә тиеш.
Гаризалар кабул итү тәмамланганнан соң вәкаләтле органга кергән гариза үзгәрешләре каралмый.
Конкурста катнашучы, гаризаларны кабул итү тәмамланганчы, вәкаләтле органга ирекле формада төзелгән һәм конкурста катнашучы җитәкчесе тарафыннан имзаланган тиешле гаризаны тапшыру юлы белән үз гаризасын кире алырга хокуклы.
Конкурста катнашучыга теркәлгән документлары белән гаризаның оригиналы кире кайтарылмый, гаризаны гаризалар кабул итү вакытында кире алу очрагыннан тыш.
Гаризаларны карау һәм бәяләү кагыйдәләре
Гаризаларны кабул итү вакыты тәмамланганнан соң 10 эш көне дәвамында вәкаләтле орган:
конкурста катнашучының белдерүдә билгеләнгән таләпләргә туры килүен, шулай ук бирелгән гаризаларның һәм аларга кушылган документларның (документлар күчермәләренең) билгеләнгән таләпләргә туры килүен, күрсәтелгән гаризаларның һәм документларның (документлар күчермәләренең) тулылыгын, аларда булган мәгълүматларның тулылыгын һәм дөреслеген вәкаләтле дәүләт органнарының «Интернет» мәгълүмат-телекоммуникация челтәрендәге рәсми сайтларында ачык мәгълүматлар рәвешендә урнаштырылган мәгълүматны өйрәнү, вәкаләтле дәүләт органнарына гаризалар җибәрү, шулай ук тикшерүнең Россия Федерациясе законнарына каршы килми торган башка рәвешләреннән файдалану юлы белән тикшерә;
конкурста катнашучыларны конкурста катнашуга кертү яки гаризаны кире кагу турында карарлар кабул итә;
«Интернет» мәгълүмат-телекоммуникация челтәрендә Дәүләт комитетының рәсми сайтында һәм «Интернет» мәгълүмат-телекоммуникация челтәрендә Россия Федерациясе бюджет системасының бердәм порталында конкурста катнашуга кертелгән конкурста катнашучылар исемлеген һәм гаризалары кире кагылган конкурста катнашучыларның исемлеген үз эченә алган белдерүне урнаштыра;
гаризалары кире кагылган конкурста катнашучыларга Тәртипнең 15 пункты нигезендә мондый карарны кабул итү нигезләрен үз эченә алган белдерүне гаризада адресы күрсәтелгән электрон почта буенча җибәрә.
Гаризаларны карау һәм бәяләү стадиясендә вәкаләтле орган тарафыннан гаризаны кире кагу өчен нигезләр булып түбәндәгеләр тора:
конкурста катнашучының әлеге Тәртипнең 8 пунктында билгеләнгән таләпләргә туры килмәве;
гариза һәм документларның гаризада билгеләнгән таләпләргә туры килмәве;
конкурста катнашучы тәкъдим иткән мәгълүматның, шул исәптән юридик затның урнашу урыны һәм адресы турында мәгълүматның дөрес булмавы;
конкурста катнашучының гаризалар бирү өчен билгеләнгән датадан һәм (яки) вакыттан соң гариза бирүе;
конкурста катнашучының берничә гариза тәкъдим итүе;
гаризаны кире алуы;
конкурста катнашучының һәм гаризаның Тәртипнең 5 пунктында билгеләнгән шартларга туры килмәве.
Конкурста җиңүчеләрне билгеләү өчен вәкаләтле орган конкурс комиссиясен төзи, аңа вәкаләтле орган каршындагы Иҗтимагый совет әгъзалары да керә. Конкурс комиссиясе турындагы нигезләмә һәм аның составы вәкаләтле орган боерыгы белән раслана.
Конкурс комиссиясе рәисе, секретаре һәм конкурс комиссиясе әгъзалары составында төзелә. Конкурс комиссиясе рәисе, секретаре һәм әгъзалары конкурс комиссиясе эшчәнлегендә түләүсез нигездә катнашалар.
Конкурс комиссиясе әгъзалары конкурс комиссиясе утырышында шәхсән катнашырга тиеш һәм үз вәкаләтләрен башка кешеләргә тапшырырга хокуклы түгел.
Конкурс комиссиясе утырышында катнашу өчен конкурс нәтиҗәләре белән шәхсән кызыксына торган, шулай ук гариза тапшырган конкурста катнашучыларның хезмәткәрләре булып торган конкурс комиссиясе әгъзалары, шулай ук конкурста катнашучылар йогынты ясый алырлык, шулай ук аларның катнашучылары (акционерлары), аларның идарә органында әгъза булып торучы конкурс комиссиясе әгъзалары, шулай ук конкурста катнашучының җитәкчесе белән гаилә корып яшәүче затлар, конкурста катнашучының җитәкчесенең якын туганнары (турыдан-туры яки төп линия буенча туганнары (ата-анасы һәм балалары, бабасы, әбисе һәм оныклары)), тулы канлы яки тулы булмаган туганлыкта (уртак әнисе яки әтисе) булган, уллыкка алучы яки уллыкка алынучы булган затлар кертелмиләр. Конкурс комиссиясенең конкурс нәтиҗәләрендә кызыксынуы булган әгъзалары конкурс комиссиясе эшчәнлеге башланганчы ук бу хакта конкурс комиссиясе рәисенә язмача хәбәр итәргә тиеш.
Конкурс нәтиҗәләрен урнаштыру
Конкурс нәтиҗәләре турында мәгълүмат «Интернет» мәгълүмат-телекоммуникацион челтәрендә Дәүләт комитетының рәсми сайтында һәм «Интернет» мәгълүмат-телекоммуникацион челтәрендә Россия Федерациясе бюджет системасының бердәм порталында вәкаләтле органның субсидия бирү турындагы боерыгына кул куелганнан соң өч эш көненнән дә соңга калмыйча урнаштырыла.
Татарстан Республикасы 2023-2024 елларга модульле урнаштыру чараларын булдыруга финанслау алды
«Туристлык һәм кунакчыллык индустриясе» илкүләм проектын гамәлгә ашыру кысаларында Татарстан Республикасына модульле капиталь булмаган урнаштыру чараларын булдыруга эшкуарларга дәүләт ярдәме күрсәтү өчен өстәмә финанслау бүлеп бирелде. 2023 елда 99,6 млн. сум күләмендә, ә 2024 елда 110,3 млн. сум. күләмендә финанслау хупланган.
Россия Федерациясе Икътисадый үсеш министрлыгы тарафыннан хупланган инвестицион проектлар исемлеге Татарстан Республикасының Туристлык буенча дәүләт комитеты сайтында бастырылган.
Дәүләт комитеты РФ Хөкүмәтенең 2020 елның 18 сентябрендәге 1492 номерлы карары нигезендә әлеге проектларның субсидияләр бирүне көйләүче гомуми таләпләргә туры килүе буенча сайлап алу үткәрәчәк. Моның өчен модульле капиталь булмаган урнаштыру чараларын булдыруга субсидияләр бирүнең төбәк тәртибе кабул ителәчәк.
18.09.2023