Башка мәгълүмат

"Татарстан Республикасы дәүләт граждан хезмәте турында" 2003 елның 16 гыйнварындагы 3-ТРЗ номерлы Татарстан Республикасы Законы (үзгәрешләре һәм өстәмәләре белән)

4 бүлек. Дәүләт хезмәтендә дәүләт гарантияләре

30 статья. Дәүләт хезмәткәрләренең төп дәүләт гарантияләре

1. Дәүләт хезмәткәрләренең хокукый һәм социаль якланышын тәэмин итү, хезмәт вазыйфаларын нәтиҗәле башкаруга омтылышларын арттыру, дәүләт хезмәте кадрлары составының профессиональ тотрыклылыгын ныгыту өчен һәм федераль законнарда билгеләнгән чикләүләрне компенсацияләү тәртибендә дәүләт хезмәткәрләренә түбәндәгеләр гарантияләнә:

1) хезмәт өчен түләүнең тигез шартлары, шулай ук, әгәр Федераль законда, әлеге Законда бүтәне билгеләнмәгән булса, Татарстан Республикасы дәүләт граждан хезмәтенең тиешле вазыйфаларын биләгәндә профессиональ хезмәт эшчәнлеге нәтиҗәләренең эффектлылыгын бәяләүдә чагыштырырлык күрсәткечләр;

2. дәүләт хезмәткәренең акчалата түләүне вакытында һәм тулысынча алу хокукы;
3. вазыйфалар регламенты нигезендә дәүләт хезмәтен вазыйфаи бурычларны үтәүне тәэмин итәрлек үтәү шартлары;
4. хезмәт вакытының яраклы дәвамлылыгын билгеләү, ял көннәрен һәм эш көне булмаган бәйрәм көннәрен, шулай ук ел саен түләүле төп һәм өстәмә отпускларны бирү юлы белән тәэмин ителүче ял;
5. дәүләт хезмәткәрен һәм аның гаилә әгъзаларын, шулай ук дәүләт хезмәткәре тиешле еллар эшләгәне өчен пенсиягә чыкканнан соң да федераль законнар нигезендә мәҗбүри медицина иминләштерүе;
6. дәүләт хезмәте узган чорда авырып китү яисә хезмәткә сәләтен югалту очрагына дәүләт тарафыннан мәҗбүри медицина иминләштерүе йә хезмәткә сәләтен вакытлыча югалтканда, шулай ук махсуслаштырылган медицина ярдәме күрсәтә торган  медицина оешмасында медицина тикшерүе узган чорга федераль закон нигезендә акчалата түләүне саклап калу; (6 пункт 2014 елның 24 июлендәге 76-ТРЗ номерлы Татарстан Республикасы Законы редакциясендә)
7. Татарстан Республикасы законында билгеләнгән очракларда, тәртиптә һәм күләмнәрдә мәҗбүри дәүләт иминләштерүе буенча түләүләр;
8. хезмәт командировкаларына бәйле чыгымнарны түләү. Дәүләт хезмәткәрен командировкага җибәрү тәртибе һәм шартлары Татарстан Республикасы Президенты тарафыннан билгеләнә;
9. дәүләт хезмәткәре башка дәүләт органына күчкәндә дәүләт хезмәткәре һәм аның гаиләсе әгъзалары башка җиргә күчеп китүгә бәйле чыгымнарны түләү. Дәүләт хезмәткәренә чыгымнарны түләү тәртибе һәм шартлары Татарстан Республикасы Министрлар Кабинеты тарафыннан билгеләнә;

91) дәүләт хезмәткәрен Татарстан Республикасы чикләрендә башка җирдә урнашкан дәүләт органына дәүләт хезмәте вазыйфасына ротация тәртибендә билгеләгәндә – дәүләт хезмәткәре һәм аның гаиләсе әгъзалары Татарстан Республикасы чикләрендә башка җиргә хезмәт урынына күчеп китүгә бәйле чыгымнарны дәүләт хезмәткәре ротация тәртибендә җибәрелә торган дәүләт органы акчалары исәбеннән;  вакытлы хезмәт контрактын өзгәннән соң яисә дәүләт хезмәтендә биләгән  вазыйфасыннан азат ителгәннән соң һәм дәүләт хезмәтеннән киткәннән соң, дәүләт хезмәткәре һәм аның гаилә әгъзалары Татарстан Республикасы чикләрендә башка җиргә күчеп китүгә бәйле чыгымнарны дәүләт хезмәткәре дәүләт хезмәтендә соңгы вазыйфаны биләгән дәүләт органы акчалары исәбеннән түләү. Әлеге пунктта каралган чыгымнарны түләү дәүләт хезмәткәрен башка дәүләт органына күчергәндә дәүләт хезмәткәре һәм аның гаилә әгъзалары Татарстан Республикасы чикләрендә башка җиргә күчеп китүгә бәйле чыгымнарны түләү өчен билгеләнгән тәртиптә һәм шартларда башкарыла; (91 өлеш 2013 елның 15 ноябрендәге 93-ТРЗ номерлы Татарстан Республикасы Законы белән кертелгән)

92) Татарстан Республикасы чикләрендә башка җирдә урнашкан дәүләт органына дәүләт хезмәте вазыйфасына ротация тәртибендә билгеләнгән дәүләт хезмәткәрен хезмәт торак урыны белән тәэмин итү, ә яңа хезмәт урынында хезмәт торак урыны булмаган очракта – дәүләт хезмәткәренә торак урынын наемга (поднаемга) алу чыгымнарын түләү. Дәүләт хезмәткәре социаль наем шартнамәсе буенча торак урынын элек дәүләт хезмәтендә булган урыны буенча биләп торса, дәүләт хезмәткәре белән төзелгән торак урынына социаль наем шартнамәсе дәүләт хезмәте вазыйфасын ротация тәртибендә биләү турында вакытлы хезмәт контракты гамәлдә булган вакыт дәвамында наемга бирүче таләбе буенча өзелә алмый. Татарстан Республикасы дәүләт хезмәткәрләрен хезмәт торак урыннары белән тәэмин итү тәртибе һәм шартлары, шулай ук торак урынын наемга (поднаемга) алу чыгымнарын түләү тәртибе һәм күләмнәре Татарстан Республикасы Министрлар Кабинеты тарафыннан билгеләнә; (92 өлеш 2013 елның 15 ноябрендәге 93-ТРЗ номерлы Татарстан Республикасы Законы белән кертелгән)

10. вазыйфаи бурычларын үтәүгә бәйле рәвештә федераль законда билгеләнгән очракларда, тәртиптә һәм шартларда дәүләт хезмәткәрен һәм аның гаилә әгъзаларын көч кулланулардан, янаулардан һәм башка хокукка яраксыз гамәлләрдән яклау;
11. дәүләт пенсиясе белән тәэмин итү турындагы федераль законда билгеләнгән тәртиптә һәм шартларда дәүләт хезмәтен узучы Россия Федерациясе гражданнарын һәм аларның гаиләләрен дәүләт пенсиясе белән тәэмин итү.

2. Дәүләт хезмәткәре дәүләт хезмәтенә сайлануы яисә билгеләп куелуы, җирле үзидарә органында сайлаулы урынга сайлануы, һөнәр берлеге органында түләүле сайлаулы урынга, шул исәптән дәүләт органында төзелгән башлангыч һөнәр берлеге оешмасының сайлаулы органына сайлануы (делегат итеп җибәрелүе) нәтиҗәсендә биләгән урыныннан азат ителгән очракта шушы дәүләт хезмәткәрен пенсия белән тәэмин итү шартлары дәүләт хезмәткәре теләге буенча билгеләнә.
3. Дәүләт хезмәткәрләренә федераль законнарда билгеләнгән бүтән дәүләт гарантияләре дә бирелә.

31 статья. Дәүләт хезмәткәрләренә өстәмә дәүләт гарантияләре

1. Дәүләт хезмәткәрләренә, әлеге Законның 30 статьясында билгеләнгән дәүләт гарантияләренә өстәп, түбәндәге хокуклар бирелә:

1. дәүләт хезмәтендә биләгән вазыйфасы һәм акчалата түләве федераль законнар һәм Татарстан Республикасы законнары нигезендә сакланган килеш, өстәмә һөнәри белем алу; (1 пункт 2013 елның 15 ноябрендәге 93-ТРЗ номерлы Татарстан Республикасы Законы редакциясендә)

2. дәүләт хезмәтендә биләгән вазыйфасының категориясенә һәм төркеменә карап, вазыйфаи бурычларын үтәүгә бәйле рәвештә транспорт хезмәт күрсәтүләрен тәэмин итү, шулай ук хезмәт максатларында шәхси транспортыннан файдалануны компенсацияләү һәм Татарстан Республикасы Министрлар Кабинеты тарафыннан билгеләнгән очракларда һәм тәртиптә шәхси транспортыннан файдалануга бәйле чыгымнарны түләү;
3. дәүләт хезмәте вазыйфалары кыскартылганда яисә дәүләт органы бетерелгәндә, Федераль закон нигезендә дәүләт хезмәтенең бүтән вазыйфасын биләү; (3 пункт 2013 елның 15 ноябрендәге 93-ТРЗ номерлы Татарстан Республикасы Законы редакциясендә)
4. торак шартларын яхшыртуга мохтаҗлык очрагында дәүләт хезмәтенең барлык чорына торак урынын сатып алуга йә аерым фатир рәвешендә торак урынын алуга Татарстан Республикасы Министрлар Кабинеты билгеләгән тәртиптә һәм шартларда бер мәртәбә бирелүче субсидия; (4 пункт 2010 елның 14 октябрендәге 70-ТРЗ номерлы Татарстан Республикасы Законы редакциясендә)
5. Татарстан Республикасы Министрлар Кабинеты тарафыннан билгеләнгән очракларда һәм тәртиптә хезмәт торак урынын биләү;

6)       Россия Федерациясе дәүләт хезмәткәрләрен медицина иминләштерүе турында федераль закон үз көченә кергәнче, дәүләт хезмәткәренең үзенә һәм гаиләсе әгъзаларына, шул исәптән дәүләт хезмәткәре пенсиягә чыккач та, Татарстан Республикасы Министрлар Кабинеты тарафыннан билгеләнгән тәртиптә медицина хезмәте күрсәтү;

7)   федераль законнарда яисә Россия Федерациясенең башка норматив хокукый актларында, әлеге Законда, Татарстан Республикасының башка законнарында һәм бүтән норматив хокукый актларында каралган билгеле бер шартларда бүтән дәүләт гарантияләре.

2. Дәүләт хезмәткәре вафат булган очракта, аның гаиләсенә элек ул биләгән вазыйфадагы еллык акчалата түләү күләмендә бер мәртәбәлек пособие түләнә. Әлеге пособиене түләү тәртибе һәм шартлары Татарстан Республикасы Министрлар Кабинеты тарафыннан билгеләнә.