Хезмәткәрләргә диспансеризация уздыру
Татарстан Республикасы Министрлар Кабинетының «Татарстан Республикасы дәүләт граждан хезмәткәрләре диспансеризациясен оештыру турында» 2011 ел, 7 ноябрь, 922 нче карары
«Россия Федерациясе дәүләт граждан хезмәте турында» 2004 елның 27 июлендәге 79-ФЗ номерлы Федераль законны гамәлгә ашыру максатларында Татарстан Республикасы Министрлар Кабинеты карар бирә:
1. Татарстан Республикасы дәүләт граждан хезмәткәрләренә диспансеризация үткәрүне оештыруга чыгымнарны финанс белән тәэмин итү тәртибен расларга.
2. Татарстан Республикасы Сәламәтлек саклау министрлыгына түбәндәгеләрне тәэмин итәргә:
Россия Федерациясе Сәламәтлек саклау һәм социаль үсеш министрлыгының 14.12.2009 № 984н боерыгы белән расланган Россия Федерациясе дәүләт граждан хезмәткәрләре һәм муниципаль хезмәткәрләр тарафыннан диспансеризация узу тәртибе нигезендә Татарстан Республикасы дәүләт граждан хезмәткәрләренә диспансеризация үткәрүне;
Татарстан Республикасы Министрлар Кабинетына Татарстан Республикасы дәүләт граждан хезмәткәрләрен диспансерлаштыруны оештыруга хезмәт күрсәтү күләмнәре нормативларын һәм норматив чыгымнар нормативларын карауга ел саен кертүне.
3. Татарстан Республикасы Сәламәтлек саклау министрлыгы "Татарстан Республикасы Сәламәтлек саклау министрлыгының диспетчерлык үзәге" Татарстан Республикасы дәүләт автоном учреждениесенә (алга таба - Диспетчерлык үзәге) Татарстан Республикасы дәүләт граждан хезмәткәрләренә диспансеризация үткәрүне оештыру буенча дәүләт биремен үтәүгә субсидия бирә.
4. Диспетчерлык үзәгенә субсидия күләме Татарстан Республикасы дәүләт граждан хезмәткәрләренә диспансеризация үткәрүне оештыру буенча хезмәт күрсәтүләр күләмнәре нормативлары һәм Татарстан Республикасы Министрлар Кабинеты билгеләгән дәүләт хезмәтләрен күрсәтүгә норматив чыгымнар нигезендә билгеләнә.
5. Диспетчерлык үзәге Татарстан Республикасы территориясендә урнашкан дәүләт сәламәтлек саклау системасының медицина оешмалары белән "терапия", "акушерлык һәм гинекология", "неврология", "хирургия", "офтальмология", "эндокринология", "психиатрия", "психиатрия-наркология", "психиатрия-наркорентгенология", "ультратавыш диагностикасы", "клиник диагностика" белгечлекләре буенча медицина эшчәнлеген гамәлгә ашырганда лицензиясе булган дәүләт контрактлары (килешүләр) төзүне тәэмин итә.
6. Татарстан Республикасы дәүләт граждан хезмәткәрләренә диспансеризация уздыруны гамәлгә ашыручы Татарстан Республикасы территориясендә урнашкан дәүләт сәламәтлек саклау системасының медицина оешмалары "Татарстан Республикасы Территориаль мәҗбүри медицина иминияте фонды" дәүләт учреждениесенә кәгазь чыганакта дәүләт граждан хезмәткәрләренә диспансеризация үткәрү чыгымнары өчен түләү счетлары реестрларын, шулай ук компьютер файлларын хисап аеннан соң килүче айның 5 числосыннан да соңга калмыйча тапшыралар. Компьютер файллары Татарстан Республикасы Сәламәтлек саклау министрлыгы һәм Татарстан Республикасы Территориаль мәҗбүри медицина иминияте фонды белән килештерелгән форматларда һәм структураларда якланган ысул белән тапшырыла. Күрсәтелгән срокны нигезсез бозып төзелгән счетлар реестрлары түләүгә алынмый.
7. "Татарстан Республикасы Территориаль мәҗбүри медицина иминияте фонды" дәүләт учреждениесе счетлар реестрына медик-икътисадый контроль уздыра һәм, хисап аеннан соң килүче айның 10 көненнән дә соңга калмыйча, Диспетчерлык үзәгенә Татарстан Республикасы дәүләт граждан хезмәткәрләренә диспансеризация үткәрү счетлары реестрларындагы түләнергә тиешле мәгълүматны тапшыра.
8. Татарстан Республикасы дәүләт граждан хезмәткәрләренә диспансеризация үткәрүгә счетлар реестрларын, шул исәптән дәүләт махсуслаштырылган медицина оешмалары тарафыннан тиешле медицина эшчәнлеге төрләре буенча башкарылган эшләрне (хезмәт күрсәтүләрне) түләү әлеге Тәртипнең 7 пунктында күрсәтелгән мәгълүмат нигезендә Татарстан Республикасы дәүләт граждан хезмәткәрләренә диспансеризация оештыруга Татарстан Республикасы Министрлар Кабинеты тарафыннан раслана торган норматив чыгымнар чикләрендә, хисап аеннан 15 айдан да соңга калмыйча, Диспетчер үзәге тарафыннан гамәлгә ашырыла.
9. Диспетчерлык үзәге дәүләт биремен үтәгәндә күрсәтелгән учреждениегә субсидияләр күләме кыскартыла алмый.
10. Диспетчерлык үзәге дәүләт биремен фактта үтәгәндә, дәүләт биремендә каралганнан кимрәк күләмдә үтәгән очракта, шулай ук Диспетчерлык үзәге тарафыннан дөрес булмаган хисаплылык тапшырылган очракта, Татарстан Республикасы Сәламәтлек саклау министрлыгы субсидияләр күләмен кыскартуны һәм (яисә) бирелгән субсидияләрне өлешчә (тулы) кире кайтаруны тәэмин итә.
11. Бирелгән субсидияләр Татарстан Республикасы Сәламәтлек саклау министрлыгының тиешле таләбен алган көннән алып 60 көн эчендә Татарстан Республикасы бюджеты кеременә кайтарылырга тиеш.
12. Әлеге акчаларны Татарстан Республикасы бюджеты кеременә ирекле кире кайтарып бирүдән баш тарткан очракта, алар Россия Федерациясе законнары нигезендә мәҗбүри тәртиптә түләтелергә тиеш.
13. Диспетчерлык үзәге хисап аеннан соң килүче айның 15 көненнән дә соңга калмыйча Татарстан Республикасы Сәламәтлек саклау министрлыгына Татарстан Республикасы дәүләт граждан хезмәткәрләренә диспансеризация үткәрүне оештыру буенча дәүләт биремен үтәү турында Татарстан Республикасы Финанс министрлыгы билгеләгән тәртип һәм форма нигезендә хисап тапшыра.
14. Татарстан Республикасы Сәламәтлек саклау министрлыгы ай саен, хисап аеннан соң килүче айның 20 числосыннан да соңга калмыйча, Татарстан Республикасы Финанс министрлыгына Татарстан Республикасы дәүләт граждан хезмәткәрләренә диспансеризация үткәрүне оештыруга юнәлдерелгән Татарстан Республикасы бюджеты акчаларын тоту турында хисапны Татарстан Республикасы Финанс министрлыгы билгеләгән тәртип һәм форма нигезендә тапшыра.
15. Диспетчерлык үзәге тарафыннан дәүләт биреме үтәлешен Татарстан Республикасы Сәламәтлек саклау министрлыгы тикшереп тора.