Хельсинкида Татарстан Республикасының туристлык потенциалын тәкъдим иттеләр
Бүген, Хельсинки шәһәрендә (Финляндия) Рәсәйнең Финляндиядәге Сәүдә вәкиллегендә Айгөл Балахонцева, туристик продуктны алга этәрү бүлеге башлыгы фин туроператорларына Татарстан Республикасының туристлык потенциалын тәкъдим итте. Очрашу Финляндия туристлык агентлыклары ассоциациясе ярдәмендә һәм Татарстан Республикасының Финляндиядәге Сәүдә-икътисадый вәкиле А. Р. Рәхимуллина ярдәмендә узды.
Айгөл Балахонцева чит ил туристлары өчен яңа маршрутлар, берничә төбәкне берләштерүче төбәкара проектлар, шул исәптән «Рәсәйнең өч башкаласы», «Сарайлар һәм мәчетләр» проектлары, шулай ук киләсе җәйге сезонда Татарстан Республикасында узачак вакыйгалар һәм фестивальләр турында сөйләде.
Очрашуда шулай ук Рәсәй төбәкләре вәкилләре дә катнашты: Ленинград өлкәсе, Карелия Республикасы, Новгород өлкәсе һәм Хельсинки һәм Санкт-Петербург шәһәрләре арасында йөрүче «Moby St.Peterline» паром операторы вәкилләре катнашты.
Презентация ахырында фин туроператорлары белән семинар узачак.